Nongstoiñ, Ïaiong 23: Ka District Magistrate, Eastern West Khasi Hills District Mairang, ka la pynjari da ka Kyndon aiñ kaba 163 BNSS, 2023 ban pyrkhing ban nym shah ban pyndonkam ïa ki kynja chemical, ha kaba ber ha ki wah bad wahduid kiba don ha Eastern West Khasi Hills District.
Ïa kane ka aiñ la pynjari hadien ka jingïoh jingujor ha kaba ïadei bad ka rukom pynïap ïa ki dohkha ha ki wah, da kaba pyndonkam ïa ki kynja dawai kaba la wanrah ïa ka jingïap ki dohkha ha ki wah.Kane ka rukom leh ka la pynlong bih ïa ki wah bad wahduid bad buh jingma ïa ki jingthaw ba im ha um bad ka koit ka khiah jong ki nongshong shnong.
Lada lap ïa kino kino kiba pynkheiñ bad ïaleh pyrshah ïa kane ka hukum, kin shah pynshitom katkum ka Kyndon aiñ 223 BNS, 2023.
