SHILLONG, ïaïong 22: Ka kynhun ïalehkai kriket jong ka B.K Bajoria ki la khur ïa ka jingjop ha kawei na ki jingïalehkai ba la long hynne ka sngi ha ka lympung Inter School Under 18 Cricket Tournament 2026 ba la pynïaid da ka Shillong Cricket Association, hadien ba ka la pynliem noh da 32 ron ïa ka Little Angel School.
ïa ka jingkynting pisa (toss) la jop da ka Little Angel School, kaba la aiti sha ka B.K Bajoria ba kan tied nyngkong, kaba la lah ba kan tied pyndep ïa ki 11 ober ban kamai 126 ron bad khyllem 2 wiket.
Ki nongtied kiba kongsan ki long u Vedhanth Vadera (31 ron naki 28 bol) bad u Pankaj Lodh (27 ron naki 18 bol). Naki nongkawang bol jong ka Little Angel School u Rizwan u la khur 1/19 naki 2 ober.
Haba pyrshang beh ka Little Angel School ka la ïohlad ban kamai tang 94 ron bad khyllem noh 4 wiket haduh kaba kut ki 11 ober, bad na ka liang u Rehan Qureshi u la noh synñiang 21 ron naki 16 bol.
U Shanti Dhoj Sunar u la khur 1/13 naki 2 ober, hynrei ïa ka khusnam Player of the Match la khur da u Vedhanth Vadera.
