Wanpoi ki 22 ngut ki thei ïalehkai ka India ha Nairobi na ka bynta ka FIFA Series 2026 Kenya, kynthup ïa ka Sanfida

NEW DELHI, ïaïong 08: Ka kynhun ki thei-ïalehkai phutbol ba la kham rangbah jong ka ri India ba kynthup ïa ka Sanfida Nongrum jong ka jylla Meghalaya, ki la poi ha Nairobi ha ka sngi Ba-ar, 07 tarik u ïaïong 2026, hashwa ka lympung ïalehkai jong ka FIFA Series 2026 ha Kenya, kaba la buh na ka bynta ka FIFA International Women’s Match Window ban long mynta u bnai ïaïong.
Ka India kan ïakhun pyrshah ïa ka ri ba pynlong ïa kane ka lympung, ka Kenya ha ka semi-final ha ka 11 tarik ïaïong ha ka por 8:30 baje janmiet, katba Australia bad ka Malawi kin ïakhun ïa kawei pat ka semi-final kham hashwa ha kajuh ka sngi ha ka por 4:30 baje nohphai sngi.
Ki kynhun kiba jop bad kiba rem ha ka semi phainal kin ïakhun ha ka phainal bad ka play-off na ka bynta ka kyrdan ba lai ha ka 15 tarik ïaïong bad baroh ki jingïalehkai kin long ha Nyayo National Stadium ha Nairobi.
Yn ïalam ïa ka kynhun da u Crispin Chettri ula shah thung biang kum u coach ba heh duh. U Chettri u la jied ïa ka kynhun ïalehkai kaba don 22 ngut ki dkhot na ka bynta kane ka lympung ïalehkai paralok. Ka Sujata Kar kaba la jop ïa ka khusnam ‘AIFF Women’s Coach of the Year’ ha u snem 2025 ka la shah thung kum ka Assistant Coach, nangta u Fysal K Bapu u la shah thung kum u goalkeeping coach.
Ka thup kynhun jong ka India na ka bynta ka FIFA Series 2026 Kenya:
Goalkeeper: Adrija Sarkhel, Linthoingambi Devi Maibam, Shreya Hooda.
Defender: Astam Oraon, Juli Kishan, Martina Thokchom, Nirmala Devi Phanjoubam, Purnima Kumari, Sarita Yumnam.
Midfielder: Aveka Singh, Babina Devi Lisham, Jasoda Munda, Priyadharshini Selladurai, Priyangka Devi Naorem, Sanfida Nongrum, Shilky Devi Hemam.
Forward: Karishma Shirvoikar, Kaviya Pakkirisamy, Lynda Kom Serto, Malavika P, Pyari Xaxa, Rimpa Haldar.
Head coach: Crispin Chettri; Assistant coach: Sujata Kar; Goalkeeping coach: Fysal K Bapu.