Yn ïashimbynta ki thei bad rangïalehkai kriket ka jylla ha ka lympung U-19 & U-23 jong ka NECDC

Shillong, ïaïong 05: Hadien ka jingai jingmut na ka Cricket Advisory Sub-Committee ka Meghalaya Cricket Association, ka la jied ïa baroh ar tylli ki kynhun ïalehkai na ka bynta ka lympung U-19 bad U-23 NECDC, ki ban sdang ha ka sngi Nyngkong.
Ia kine ki lympung la pynlong da ka North East Cricket Development Council (NECDC) bad kin sdang naduh ka 06 tarik haduh ka 11 tarik ïaïong. Ka NECDC ka dei ka synjuk jong ki hynriew tylli ki jylla ka thaiñ shatei lam mihngi ba kynthup ïa ka – Meghalaya, Arunachal Pradesh, Manipur, Mizoram, Nagaland bad Sikkim.
Katba ka kynhun ïalehkai U-19 jong ki shynrang kan ïalehkai ha Nagaland, ki thei ïalehkai kriket U-23 pat kin ïalehkai ha Sikkim.
Ka Meghalaya ka la jop ha baroh ar tylli ki lympung ïalehkai Senior-level ha u snem ba la dep, kumta kane ka dei ka kabu ïa ki samla ka jylla ban pyni ïa kaei kaba ki lah ban leh. La pynlong ïa ka prokram pynkhreh ha Shillong naduh ka 02 haduh 04 tarik ïaïong.
U President ka MCA u James PK Sangma u la kitbok ïa ka kynhun ki kynthei ha ka sngi Saitjain bad ïa ka kynhun ki shynrang ha ka sngi U Blei. U la kitbok kitrwiang ïa baroh ar tylli ki kynhun ba kin lah ban ïalehkai katba lah bad ban pynlong ïa ka Meghalaya kaba sngew sarong.
Ka thup kyrteng ka kynhun ïalehkai U-19 (shynrang): Apandanka Marak, Angkit Tamang, Heiyoomiki Ryngkhlem (C, WK), Ashish Kumar Lohar, Benedict J Makdoh, Dipayan Nandi (WK), Gaurav Narleng (VC), Gaurav Jyoti Thakuria, Grish Raj Ray, Krishwal Marak, Mewankitbok Kharpuri, Namewanki Pakyntein, Rudra Singh Rathore, Rimtora D Shira, Rohit Sharma,
Support staff: Synrapsing Riahtam (coach), Claystone C Marak (assistant coach), Hamboy Langbang (physio), Santosh Ram (trainer)
Ka thup kyrteng ka kynhun ïalehkai U-23 (kynthei): Monica L Phawa (C), Ankita Sharma, Sara D Kharbani, Pilika Marak, Monycable Marbaniang, Dianchidora Sangma, Ritreki Pohshna, Nerisa Nongrum, Neelam Roy, Janika Marak, Suriti Kumari Ray (VC), Dubleen Nengnong, Abiezer Kharsyiem, Blaridahun Dkhar, Indariakor Kharwanniang
Support staff: Bhakupar Mylliemngap (coach), Pahara Mukhim (assistant coach), Sushma Thapa (physio), Sweety Marboh (trainer), Sanjay Mandal (manager)