Tura, Rymphang 28: Da ka jingkmen ka Meghalaya Science Society, Tura ka la rakhe ïa ka National Science Day 2026 ha Tura Science Centre, ha kaba ki samla pule, ki nonghikai bad ki stad saian ki la ïawan lang ban kyntiew ïa ka scientific temper and innovation.
Ïa kane la pynlong da ka Meghalaya Science Society, Tura, kane ka Festival of Science & Technology kaba shi sngi bad ka phang pdeng kadei “Women in Science: Catalysing Viksit Bharat.”Ki khynnah skul na ki skul heh bapher bapher ha kylleng ka West Garo Hills ki la ïashim bynta ha ki jinghikai, ki jingpyni buit, ki model exhibition bad ki jingïakop.
Ïa kane ka jingrakhe la plie da ka Florina Boro kaba dei ka Additional Deputy Commissioner bad ka District Planning Officer jong ka West Garo Hills.
Haba kren sha ki samla pule, ka la kyntu ïa ki ban shim ïa ki jingeh ha ka science (challenges in science), jingkheiñ bad ki technology ban nang bha ha ki competitive exam bad ban noh synñiang ha ka jingtei ïa ka ri.
U Fr. U Januarius S. Sangma, SDB, Principal ka Don Bosco College, Tura u la wan ban ïadon lang kum u symbud kongsan bad u la ai mynsiem ruh ïa ki samla pule ban ïaid shakhmat ha ka pule puthi da ka jingaiti lut. La sdang ïa kane ka prokram da ka jingkren ai khublei na u Dr Madhusudhan Saha, Secretary ka Meghalaya Science Society, uba la pynpaw ïa ki kam jong ka seng bad ki jingeh ban kyntiew ïa ka jingtip shaphang ka science ha kane ka thaiñ.
Haba ai ia ka jingkren, u Dr Yubraj Sharma, Assistant Professor of Physics ha Don Bosco College, u la kren halor ka jingkiew jong ka Artificial Intelligence bad ka jingktah kaba jngai jong ka ïa ka imlang sahlang bad ia ka pule puthi.
Ha kane ka jingïalang pynkut la don ka jingsam khusnam da u Singre M. Sangma uba dei u Scientist ‘D’, NIC, jong ka Sorkar India, bad u Pranab Bhowmick uba dei u Principal jong ka Tura Public School.La pynkut ïa kane ka prokram da ka jingai khublei na u Chandan Hajong uba long u Nonghikai Assistant jong ka Skul LGB, Tura.
