Shillong, Naitung 12 : Haduh 27 ngut ki rangïalehkai karate jong ka All Meghalaya Karate-Do Association, Shillong, hapoh ka jingïalam jong u Arju Sewa bad Edwilbert K Nongkynri kum ki coach kynthup u Pynhunlang Kharbuli kum u Manager kin leit ban aireng ha ka All India Karate Championship 2022 kaban long ha ka 15 bad 16tarik mynta u bnai ha Indoor Stadium, State Training Center Bahatarai, Bilaspur, Chhattisgarh.
Kitei ki nongïalehkai ki kynthup ïa ka Dayalangki Challam, Daphisha Shadap, Daïarisa Nongrum, Carene Sohiong, Rebeka Nongspung, Saralin Rynghang, Barisha Kharbani, Durga Padit, Hymnson Challam, Nowni Ryngkhlem, Aventinus G Mylliem, Ferdinand S Rani, Ram Lanong, Gideon Tympuin, Gregorwilson Makdoh, Damebanmerbha Blah, Samebanmerbha Blah, Damanbha Pde, Cheltis Shylla, Paul Kharmudai , Teiborlang Lapang, Davy Son Kharkongor, Ïohbor Mylliempdah, Albert Jyrwa, Glikerius Buhphang, Ïalamphang Kharkongor bad Bhawanchwadame L. Mawphlang.
Na ka liang ka synjuk lyngba ka kyrwoh ba la phah da u Bah Ksankupar Warjri, General Secretary ki phah ka jingkitbok ïa ka kynhun ba kan lah ban ïalehkai bad khur takma ha katei ka lympung.
