Tura, Rymphang 11: U Myntri Rangbah ka Jylla Conrad K. Sangma mynta ka sngi u la plie ia ka Nokrek Skate Park ha Tura Government College hapoh ka jingthmu ban pynkhlain ia ki lad jingialehkai, kaba thmu ban pynkhlain ia ki lad jingialehkai bad ka jingia shim bynta jong ki samla ha West Garo Hills.
ia kane ka skate park la shna kum ka Corporate Social Responsibility (CSR) lyngba ka jingshim khia ka Decathlon bad la pyntreikam da ka OneStage ryngkat ka jingiatreilang bad ka Global Himalayan Expedition (GHE).Kane ka jaka ka long ban kyntiew ia kiwei pat ki jait jingialehkai bad ban pynbiang ia ka jaka lehkai kaba kyrpang na ka bynta ki samla ha ka thain.
Haba kren ha ka jingialang u myntri rangbah u la ai khublei ia ka jingtrei shitom jong ka Tura Government College, ki nongia don bynta lang, bad ki seng kiba kwah ban pyndep hok ia kane ka projek.
Haba pynkynmaw ba u la buh ïa u mawnongrim na ka bynta katei ka projek la jan shi snem mynshwa, u la ong, “Ka don ka jingsngewhun ban ïohi ïa ka jingpyndep ïa kawei ka projek kaba la buh ïa u maw nongrim.Ka pynkmen ïa nga ban don lang ha baroh ar tylli ki khep.”
Haba kren shaphang ka rukom synshar, u Myntri Rangbah ka Jylla u la kynthoh, “Nga ngeit ha ka roi ka par kaba ngi lah ban sngew, ym tang ban iohsngew ne iohi ha ka kot.” U la kdew ba ka jingsakhi ïa ki samla pule ba ki pyndonkam ïa ka jaka ka long kaba ai mynsiem bad ka pynpaw ïa ka jingthmu ia kum kine ki jait.
U la ïohi ba bun ki samla ba ïalehkai skateboard ki ïalehkai ha ki jaka paidbah namar ka jingbym don ki lad jingïalehkai ba kyrpang bad u la pynpaw ïa ka jingkyrmen ba kane ka jaka thymmai kan pynbiang ïa kane ka jingdonkam.
Shuh shuh u la pynpaw ïa ka jingdonkam ban pynbiang ïa ki lad ki lynti kiba tei ïa ki samla, u la ong, “Kam pat biang tang ban ong ïa ki samla jong ngi ïa kaei kaba kim dei ban leh. Ngi dei ruh ban pynbiang ïa ki da ki lad ki lynti bad ki lad ki lynti kiba donkam na ka bynta jong ki ban pyniaid sha khmat ïa ki jingsngewtynnat jong ki.”
U Myntri Rangbah u la kdew ruh ïa ka jingsngewtynnad kaba nang kiew ha ka kam ïalehkai skateboard ha kylleng ka jylla bad pynpaw ïa ka jingkyrmen ba un lah ban shna ïa ki jingtei kiba kum kine ha kiwei pat ki jaka. U la ai jingmut ruh ba yn lah ban pynlong ïa ki jingïakop hapdeng ki samla ka thain (local) bad ka state-level competitions ha ki por ban wan ban pynshlur ïa ka jingïashim bynta bad ban kyntiew ïa ki sap ki talent ba ki don.
Ka Nokrek Skate Park la khmih lynti ba kan long kum ka jaka ba kyrpang na ka bynta ki riew ieid ban ialehkai Skateboard ha Tura bad ki jaka ba marjan.
