Lada dang donkam yn dang thied jaka shuh shuh ka sorkar ban pynheh ïa ka Kad Liengsuiñ Shillong ha Umroi

Shillong, Kyllalyngkot 31 : U Symbud Myntri Rangbah ba khmih ia ka Tnad Urban Affairs bad Municipal kymjuh ruh ka tnad Transport u Ma Sniawbhalang Dhar, ula pyntip ba ka Sorkar ka lah ban thied shuh shuh ïa ki jaka lada dang donkam na ka bynta ban pynheh ïa ka Kad Liengsuiñ Shillongkaba ha Umroi.
“Ngi la dep thied katto katne ka jaka. Hooid, ngi lah ban donkam biang ïa ka jaka bad lada dang donkam ngin dang thied shuh shuh” ong u Bah Sniawbha.
U Symbud Myntri Rangbah ula pyntip ba u Deputy Commissioner ka Ri Bhoi District ula buddien bha ïa kane ka kam.
Haba kylli halor ka jingkynnoh ba ki trai jaka kila pynïeng ïa ki jingtei ha ki jaka ban ïoh kheiñ bailutksan, u Bah Sniawbha ula ong “Ngi la bthah ïa u Deputy Commissioner ba kum kine ki jingjia (ka jingpyrshang shim kabu ki paidbah) ym dei satia ban shah”.