SHILLONG, K’lyngkot 30: Ka Sputnik Spartans CC ka la ïoh mad ïa ka jingjop hadien ba ka la pynliem noh da 8 wiket ïa ka NFU ha kawei na ki jingïakhun jong ka lympung Shillong Cricket League Super Division 2026 ba la pynïaid da ka Shillong Cricket Association, hynne ka sngi ha Polo.
Haba phai sha ka jingïalehkai, ka NFU ka la kam trai ban tied nyngkong hadien ba jop ïa ka jingkynting pisa (toss), hynrei ka la shah weng noh baroh 10 wiket na ka bynta 119 ron haki 28.5 ober. Dei tang u Bharat Gurung (25 ron naki 37 bol) bad u Laxman Gurung (15 ron naki 23 bol) kiba la kham pawkhmat ha ka tied na ka bynta ka NFU.
Napdeng ki rangkawang bol jong ka Sputnik Spartans CC, ha kaba u Jitumoni Kalita, u la khur marwei haduh 5 wiket naki 9 ober bad ailad tang 18 ron, katba u Dilwar Khan u la khur 2 wiket naki 5.5 ober bad ailad 27 ron.
Haba beh ïa ka thong, ka Sputnik Spartans CC ka la khyllem tang 2 ngut ki nongtied ban kamai 120 ron naki 14.2 ober ban khur ïa ka jingjop da 8 wiket. Kiba la ïalam ha ka tied ki long u Kalyan Bhattacharjee (53 ron naki 43 bol) bad u Jitumoni Kalita (21 ron naki 8 bol).
ïa ka nam Player of the match la khur da u Jitumoni Kalita.
