Shillong, Nailar, 29: U Myntri ka Sorkar Jylla uba khmih ïa ka tnat Community & Rural Development u Abu Taher Mondal u la ong ba ka bainong ba dang sah pongding hapoh ka MGNREGA ha ka jylla ïa kaba dei ban siew noh sha ki nongïoh jingmyntoi ka long T. 90.11 klur.
Ha ka jubab ba la wanrah hapoh ka Ingdorbar Thawaiñ, u Mondal ula ong ba ka pisa ryngkat bad ka por ba la pynslem ka long T. 80.52 klur ïa kaba la pynslem hapdeng 129-212 sngi na ka bynta ka finacial year 2023-24 bad T. 9.59 klur ïa kaba la pynslem hapdeng 1 sngi haduh 70 sngi na ka bynta ka financial year 2024-25.
U la ong ba ka daw ba la pynslem ka dei na ka jingbym pynïasoh ïa u Aadhaar bad ka Aadhaar Based Payment System (ABPS).
Katkum ka jingong jong u, ka tnat ka dang ïai bishar bniah ïa kane ka kam ban pynbeit ruh ïa ki jingduna.
