Shillong, Lber 23 : U Bah Shakliar Warjri u Myntri badei peit ïa ka tnad ki kam ïalehkai jong ka Sorkar Jylla u la pyntip ba 85 percent jong ka Phase I la dep ban pynbha ïa ka Jawaharlal Nehru Stadium kaba don ha Polo, Shillong katba 20 percent la pyndep ha ka Phase II.
Ïa kane u Bah Shakliar Warjri u la pyntip hapoh ka Ïing Dorbar Thawaiñ ha ka sngi kaba saw jong ka Dorbar mang tyngka jong ka Sorkar Jylla ha ka sngi Palei haba jubab ïa ka jingkylli ba la wanrah da u MLA ka Nongpoh u Bah Mayralborn Syiem.
U Bah Shakliar haba jubab ïa ka jingkylli u la ïathuh ruh ba ka jingkiew jong ka pisa ha ka bynta kaba nyngkong ka kot sha ka 75 percent katba ha ka bynta kaba ar kam pat don eiei. Ka jingpynbha ïa ka JN Stadium ha Polo ka la sdang naduh u snem ba lah dep 2022 bad kaba dang ïaid shaphrang haduh mynta.
