Nongstoiñ, Nohprah, 30 : Ka lympung phutbol jong ka Meghalaya State League ba pynïaid da ka Meghalaya Football Association, kan pynlong ïa ka play off ha ka 6 tarik mynta u bnai ha madan New Nongstoiñ. Katkum ka tyllong khubor ba la phah da ki bor pynïaid jong ka Nongstoiñ District Sports Association, la ong ba ha katei ka sngi ka Khliehmawlieh SC na ka Nongstoiñ District Sports Association, kan hiar madan ban ïakhun pyrshah ïa ka Nongthymmai SC ka kynhun jong ka Ri Bhoi District Sports Association.
Kane ka jingïalehkai kan long ha ka por 12:30 shiteng sngi jong katei ka sngi bad ka bai rung na ka bynta ki paidbah ka long 50 tyngka.
