Shillong, ïaïong 01: Ka Laitjem ryngkat bad ka Pomshutia ki la jop ïa ki jingïalehkai hynne ka sngi jong ka lympung 3rd District League T20 Cricket Tournament 2024 ba la pynïaid da ka East Khasi Hills Cricket Association.
Ha ka jingïalehkai ba nyngkong, ka Nongdawah CC ka la tied nyngkong bad kamai 116 ron, hap baroh 10 hadien 18.2 Over, u Moonlight War u la tied 29(22), katba u Pynbhalang Kharsati u la khur 4/10 naki 3.5 Over.
Haba jubab ka Laitjem CC ka la tied 120 ron naki 15.1 Over hap tang 5 ngut ban jop da 5 wicket. U Marken B Kharkongor u la tied 26 (23), katba ïa ka nam Player of the Match la khur da u Pynbhalang Kharsati.
Ka jingïakhun ba ar, ka Pomshutia CC ka la buh thong 143 ron , hap 6 naki 20 Over, u Aristerwell Suting u la tied 44 ron. U Raymond Thabah u la khur 3/23 naki 4 Over.
Haba pyrshang ban beh ïa ka thong, ka Smit CC ka la kynjoh tang 140 ron, hap 8 ngut naki 20 Over. Ka Pomshutia CC ka la jop da 3 ron bad ïa ka nam Player of the Match la khur da u Aristerwell Suting u ba la seisoh ha ka tied.
