Shillong, Lber 25: Ka resol jong ar tylli ki jingïalehkai ka lympung 3rd District League T20 Cricket Tournament 2024 jong ka East Khasi Hills Cricket Association ka la kut ha kaba ka kynhun Cricket Smit CC bad ka Pomshutia CC ki la khur jingjop.
Ka Cricket Smit CC ka la pynliem ïa ka Mawphlang CC ha ka jingïakhun ba nyngkong. Kane ka jingïakhun ka la sdang ha kaba ka Mawphlang CC ka la jied ban tied nyngkong bad kynjoh 107 ron shah pynhap 6 ngut naki 20 Over.
U Pynshongdor u la tied 28 (42), na ki rangkawangbol u Elbrenroy Mawthoh u la khur 1/13 naki 4 Over.
Haba jubab ïa katei ka thong ka Cricket Smit CC ka la pyndep tang hadien 16.3 Over ban tied 108 ron, hap 7 ngut. U Pynkhrawbok Thabah u la lah ban tied 25 ron (25. Na ki rangkawangbol u Mawlynnai Wahlang u la khur 3/20 naki 4 over.
Ka Cricket Smit CC ka la lah ban jop da 3 wicket bad ïa ka Player of the Match la la khur da u Pynkhrawbok Thabah.
Ha ka jingïakhun kaba ar, ka Pomshutia CC ka jied ban bol nyngkongn hadien ba jop ïa ka toss, ha kaba ka Mawryngkneng CC ka la lah ban tied 76 ron shuwa ba baroh 10 ngut kin shah pynkhyllem noh hadien 15.3 Over.
Napdeng ki rangtied ba kamai bun ron ki long u Pyntngenlang Kharsahnoh da 19(29). U Aristerwell Suting u la khur 3/9 na ki 2.3 Over bad u Shembhalang Pyngrope u la khur 3/8 naki 3 over ha ka bol.
Haba pyrshang ban beh ïa ka ron ka Pomshutia CC ka la tied 81 ron shah pynhap tang 6 ngut naki 17.5 Over. U Shemphang Tymsen u la kamai 19(40) bad ka kynhun ka la jop da 4 Wicket katba ïa ka nam Player of the Match la khur da u Aristerwell Suting.
