Nongstoiñ, Lber 28: Ka Ïingkashari Special Judge (POCSO, West Khasi Hills, ka la hukum ban set along haduh 35 snem ïa uwei u briew halor ka jingdonkti ban leh beijot ïa iwei I Khynnah ha u snem 2019 ha kawei ka Shnong ba hap hapoh ka West Khasi Hills District.
Une u runar u kyrteng u Pateja O Sangma ïa kaba ka kashari ka la tian bishar ïa u katkum ka Mawshynrut PS Case ba la pynngat hapoh ka kyndon 5 (j)(ii)(l)(n)/6 jong ka POCSO Act pule lang bad ka kyndon 506 Part II ka IPC.
Katkum ka jingpyntip u Superintendent of Police, ka Ïingkashari ka la pynmih ïa kane ka hukum ha ka 23 tarik Lber. Ka Ïingkashari ha kane ka hukum, ka la pynngat ïa une u runar ban shong phatok haduh 30 snem bad ka kuna ba T.50,000 katkum ka kyndon 6 jong ka POCSO Act, ryngkat ka kyndon ban set tam 6 bnai lada ym lah siew ïa ka kuna lem bad ka hukum ban set 5 snem bad ka kuna ba T.5000 katkum ka kyndon 506 Part II jong ka IPC.
