Shillong, Lber, 5: Ka jingthep kam ban pyndap ïa ki 3100 tylli ki kam ba thylli ha ka tnat Pulit Meghalaya kan sa sdang noh shen.
Kine ki kynthup ïa ki 76 post jong ka Unarmed Branch Sub Inspector, 1255 tylli ha ka Unarmed Branch Constable bad 1637 tylli ha ka Armed Branch Constable.
Ka jingpynrungkam kan long ha ki san tylli ki Sector, kata, ha 1st Battalion ha Mawiong, ha 2nd MLP Battalion na ka bynta ka West Garo Hills, ha 3rd Battalion Sahbseiñ na ka bynta ka Jaiñtia Hills, ha 4th Battalion Sohpian na ka bynta ka West Khasi Hills bad ha 5th Battalion ha Williamnagar na ka bynta ka East bad ka South Garo Hills.
Ka jingplie ïa ka Online Application kan sdang naduh ka 1 tarik, Ïaiong, 2024.
Haba pyntip ïa kane ha ka sngi Baar, u Director General of Police Dr. LR Bishnoi u la ong, “kane kan dei ka jingpynrungkam kaba heh bha ha ka histori jong ka tnat Pulit ka Jylla Meghalaya. Ka tnat Pulit kan sa nang khlaiñ shuh shuh da ka jingpynrungkam palat 3,000 hajar ngut ki Pulit.” U la pynthikna ruh ba kan ym don kano kano ka jingleh buittuh ha ka jingthepkam ba la tip kum ka Transparent Recruitment Process (TRP).
U DGP u la ong hadien ba la kut ka elekshon MP, ka jingpynrungkam kan sa sdang shaid shaid.
