Jowai, Nailar 13: Ka Iapmala United SC, Tuberkmaishnong SCSC bad ka Moolamanoh SC ki la jop ïa la ki jong ki jingïalehkai ha ka lympung 2nd Division 2026 League Stage bala pynïaid daka East Jaiñtia Hills District Football Association (EJHDFA), hynne ka sngi Palei (13 tarik u Nailar, 2026) ha madan Artificial Ground Diengshynrum, Khliehriat.
Ka jingïakhun ba nyngkong ka Iapmala United SC kala jop da 2-1 kol ïaka Lumshyrmit SC. ïa ki kol na ka Iapmala United SC la thep da u Justmeki Swer (33 & 67’), katba ka shikol na ka Lumshyrmit la thep da u Bikel Khaii (56’).
Haka jingïakhun kaba ar, ka Tuberkmaishnong kala jop da 3-2 kol ïaka Kairang CSC. ka Tuberkmaishnong ka la pynkhihjar lyngba u Wansalan Kyndait (19 & 59’) bad u Samewanki Ryngkhlem (25’). Ki ar kol jong ka Kairang la thep da u Kampher Rymbai (35’) bad u Sambhalang Mawthoh (60’Penalty).
Ha ka jingïakhun ba khatduh, ka Moolamanoh SC kala jop da 4-3 kol ïaka Pamrakmai SCSC. ïa ki kol na ka Moolamanoh la thep da u Kenny Sintus Dkhar (24’), u Eriston Dkhar (37’), u Ambition Dkhar (45’) bad u Edelbert Khaii (65’). Ïa ki kol na ka Pamrakmai SCSC la thep da u Junely Siangshai (4’), u Wandame Laloo (17’) bad u Bideon Suchiang (47’).
