Jowai, Lber 31: Ka ophis jong u District Sports Officer, West Jaintia Hills District, ha ryngkat ka jingïatreilang bad ka West Jaiñtia District Sports Association, Jowai kin pynlong ïa ka Chief Minister District Level Inter School Athletic Meet, 2023 ha Kiang Nangbah Stadium, Jowai.
Ïa kane ka Inter School Athletic Meet ki khynnah skul yn sdang naduh 26, 27 bad ka 28th tarik Ïaïong, 2023 ha ki lai tylli ki kyrdan kata ka Under-14, Under-16 bad Under-18 na ka bynta ki khynnah shynrang bad kynthei baroh ki skul kiba don hapoh ka District.
Ïa ka rta hapoh ka kyrdan U-14 yn kheiñ ïa ka tarik kha hapdeng ka 30.11.2009 haduh ka 30.11.2011, ïa ki khynnah U-16 yn kheiñ ïa kiba la kha hapdeng ka 30.11.2007 haduh ka 30.11.2009 bad na ka bynta ki khynnah U-18 yn kheiñ ïa ka tarik kha hapdeng ka 30.11.2005 haduh ka 30.11.2007.
Ha ka jingïadei bad kane kan don ka jingïalang jong ki nonghikai ne ki nongmihkhmat na ki skul bad ki nongtrei ka DSO ka ban long ha ka 14 tarik Ïaiong, 2023 ha ka por 3 baje janmiet ha ka ophis treikam u District Sports Officer West Jaiñtia Hills Jowai.
Katba ïa ka tarik ban jurip ïa ki khynnah ïalehkai (Screening) yn pynlong ha ka 17 tarik Ïaiong, 2023 ha katei hi ka ophis naduh ka por 9 baje mynstep haduh ka por 4 baje nohphai sngi.
La pyntip ruh baroh ki khynnah ïalehkai hapoh kitei ki lai kyrdan ki hap ban wanrah lang ïa ki Original Birth Certificates ba la ïoh na ka ophis C.E.O, Municipal/ CHC/ PHC ha ryngkat ka form.
Yn ym pdiang shuhïia kino kino kiba la wan poi hadien jong katei ka tarik (Screening) ba la buh, ha ka juh ka por kin hap ban rah lang bad kawei ka dur Photo passport kaba suh lang haka form.
