Nongstoiñ, Jymmang 16: Ki ar tylli ki radbah kata ka Dangpyrshang FC bad ka Nongstoiñ Cule FC ki la rung sha ka phainal jong ka 2nd Invitation football tournament 2022 ba la pynïaid da ka Nongjyllieh Youth Sports Social and Development Organization (NYSSDO).
Ha ka semi final ba nyngkong kaba la long ha ka sngi saitjaiñ, na ka liang ka Dangpyrshang FC ka la jop da 3-2 pyrshah ïa ka Nangkiew FC. Katba ha ka semi final kaba ar kaba la long mynta ka sngi, na ka liang ka Nongstoiñ Cules FC ka la jop da 1-0 pyrshah ïa ka Sañiaw FC.
Ka jingïalehkai phainal kan long ha ka 21 tarik mynta u bnai ha madan Photumtong Nongjyllieh ha ka por 1 baje janmiet.
