Shillong, Nailur, 2 : Ka Ophis Principal Accountant General (A&E) Meghalaya, Shillong ka la pyntip ba ka Pension Adalat na ka bynta ban weng ïa ki jingeh jong kiba ïoh bai bam tymmen/ kiba haïing jong kiba ïoh bai bam tymmen jong ka ophis Principal Accountant General (A&E) Meghalaya, Shillong la buh ban pynlong ha ka 20 tarik Nailur, 2023 naduh ka por 10 baje mynstep haduh 4 baje Janmiet ha phyllaw jong ka ophis na ka bynta ban tian bishar bad pynbeit ïa ki jingeh ba ïadei bad ka bai bam tymmen.
Khnang ban plie lad ïa ka jingpynbeit wut wut ïa ki jingeh, la kyrpad ïa kito ki briew kiba la shongthait na ka Ophis Principal Accountant General (A&E) Meghalaya, Shillong ba kinphah lypa ïa ki kyrteng jong ki sha ka O/o the Pr. Accountant General (A&E) Meghalaya, beit beit lane lyngba ka email (agaemeghalaya@cag.gov.in) ha lane shuwa ka 4:00 janmiet jong ka 15 tarik Nailur, 2023.
La kyrpad ïa kito kiba ïoh bai bam tymmen / kiba haïing jong kiba ïoh bai bam tymmen ba kin phah ïa ki PFO Number bad ka Tarik ba ki Shongthait/ Ka Jingkhlad ha ka por ba ki
pynrung kyrteng.
