Delhi, Nailar, 04: Ha kaba ïadei bad ka Criminal Law Amendment Act, 2018, ka sorkar pdeng ka la pyntreikam ïa ka skhim ba la bei tyngka da ka sorkar pdeng ban plie ïa ki Fast Track Special Court (FTSC), ba kynthup ïa ki iingbishar ba dei peit thik ïa ka POCSO naduh u Risaw, 2019 ban pynsted ïa ka jingbishar bad pyndep ïa ki case ba ïadei bad ka jingshah leh beijot bad ka Protection of Children from Sexual Offences (POCSO) Act, ha ka por.
La pyntreikam nyngkong ïa ka Skhim kumba shi snem, kaba la bteng haduh u bnai Lber, 2023. Ka skhim mynta ka la bteng haduh 31.03.2026 ha ka jinglut kaba T. 1952.23 klur ha kaba T. 1207.24 klur kadei ka jingbahkhlieh jong ka Sorkar pdeng na ka Nirbhaya Fund. Ïa ka pisa la pyllait ha ka rukom CSS (60:40, 90:10) ban siew ïa ki tulop jong 1 u Judicial Officer ryngkat bad 7 ngut kiwei ki nongtrei bad ka Flexi Grant ban siew ïa ki jinglut ba man ka sngi.
Katkum ka jingtip ba la ïoh na ki iingbishar High Court haduh u Jymmang 2024, 755 tylli ki FTSC kynthup 410 tylli ki iingbishar ba dei peit thik ïa ka POCSO (e-POCSO) ki treikam ha 30 tylli ki Jylla/UT ha kylleng ka ri, kiba la pyndep palat 2,53,000 tylli ki case. Ki jingtip katkum ki jylla halor ka jingdon ki Fast Track Special Court kiba treikam ryngkat bad ka jingdon ki case ba la pyndep haduh ka 31.05.2024 ka don ha ka Annexure.
Ka jingplie ïa ki Fast Track Special Court ka pyni ïa ka jingkut jingmut jong ka Sorkar na ka bynta ka jingshngaiñ jong ki kynthei, ban ïakhun pyrshah ïa ka jingthombor, jingbatbor, ban pynduna ka jinglang ki case ba sahteng ba ïadei bad ka jingleh beijot bad POCSO Act, bad kyntiew ka jingïoh ïa ka hok na ka bynta ki lanot ba ngat ha kine ki kam beaiñ. Lyngba ki nongbishar kiba la shemphang bad ki nongtrei kiba la tbit ban ban peit ïa ki case kiba ïadei bad ki kam batbor, kine ki iingbishar ki pynthikna ki kam jingbishar kiba ïaid beit ïaid ryntih ba peit da ki riewshemphang kiba plié lad ïa ki lanot ba kin ïoh ka jingpynbeit kaba sted katkum ka aiñ ban pynduna ka jingbankhia ïa ka jingmut jingpyrkhat bad jingsngewsih bad ïarap ïa ki ban ïaid shaphrang ha ka jingim. Ki Fast Track Special Court ki la pdiang ïa ka rukom treikam ban plie ïa ki Vulnerable Witness Deposition Centre hapoh ki iingbishar ban pynsuk ïa ki lanot bad ban pynlong ïa ki iingbishar kiba phaikhmat shuwa ïa ka bha ka miat jong ki khynnah ban ai jingkyrshan ïa ka kam ai jingbishar kaba don ka jingsngewlem.
Ki jingtip katkum ki Jylla/UT halor ka jingdon ki Fast Track Special Court kiba treikam ryngkat bad ka jingdon ki case ba la pyndep haduh u Jymmang, 2024
La kyrpad kyrpang ïa ka Puducherry ban ïasoh bad ka skhim bad ka la pyntreikam ïa kawei ka iingbishar POCSO ha u Jymmang, 2023.
Ïa kane ka jingtip la ai da u Myntri Khynnah ka tnat Law and Justice bad Myntri Khynnah ka Parliamentary Affairs, u Arjun Ram Meghwal ha ka jubab kaba shu thoh ha Lok Sabha ha ka sngi Thohdieng.
