1st Division: Jop ka Shangpung Moosyiem ïa ka Demthring

0

Jowai, Risaw 06: Ka lympung ïalehkai jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha Kiang Nangbah Stadium, Jowai. Haba phai sha ka jingïakhun mynta ka sngi ka kynhun ïalahkai jong ka Shangpung Moosyiem kala lah ban pynliem da 3-1 kol ïa ka Demthring, ïa kitei ki kol na ka Shangpung Moosyiem la thep da u Ebormi Lyngdoh ha ka minit ba 24, u Mewotki Sungoh ha ka minit ba 69 bad u Wonderful Langbang ha ka minit ba 75. Katba na ka liang ka Demthring ïa ka shikol la thep da u Bony First Pyrtuh ha ka minit ba 34.
Ka jingïakhun 1st Division lashai ka sngi yn sa pynsangeh shwa namar kan don ka jingïakhun phainal ha ka kyrdan jong ki 40 snem shaneng ne ka ne ka ‘40 Above Veteran Knockout Football Tournament-2022′ bala pynïaid da ka West Jaiñtia District Sports Association (WJDSA) hapdeng ka Rympei Pip pyrshah ïa ka Friends United ha ka por 2 baje nohphai sngi.

Leave A Reply

Your email address will not be published.