Jowai, Naiwieng 13 : Ka lympung ïalehkai phutbol Semi Final jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’ kaba la long ha ka sngi saitjiañ ha madan Kiang Nangbah Stadium, Dongmihsngi Jowai.
Ïa kane ka lympung la pynïaid da ka (WJDSA) shi bynta na ka jingrakhe jubilee ksiar ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun Semi Final ba ar hynnin ka sngi na ka liang ka kynhun ïalehkai jong ka Mukhla Raij SC kala lah ban pynliem da 2-0 kol ïa ka Moosyiem Shangpung SC, ïa kitei ki kol da ka Mukhla Raij SC la thep da u Deini Suna haka minit ba 36 bad u Shirup Suting haka minit ba 73. Lyngba kane ka jingjop ka Mukhla Raij SC kan ïakhun Final pyrshah ïa ka Sailung Ialong SC ha kane ka lympung mynta ka snem bad ïa ka tarik yn sa pyntip pat hadien.
