Jowai, Risaw 05 : Ka lympung ïalehkai jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi Balang ha Kiang Nangbah Stadium Dongmihsngi, Jowai.
Haba phai sha ka jingïakhun mynta ka sngi ka kynhun ïalahkai jong ka Dulong SC kala lah ban pynliem da 1-0 kol ïa ka Luti Tuber Ialong SC, kane ka kol kala wan ha ka jingïakhun jong ka kylla step ha ka minit ba 35 ha kaba u rangialehkai ka Dulong u Do Lakiang ula ïoh ban thep ïa katei ka shikol.
Hadien kane ka shikol ka jingïakhun kala kham itynnad shuh shuh hapdeng ki ar kynhun kiba la sei shisha ïa ki buid bad ki sap ïalehkai hapoh madan, wat na ka liang ka Luti Tuber Ialong SC kala pyrshang ban pynphai ïa katei ka shikol hynrei kam lah satia tad haduh ba kut jong ka por ka Dulong kala jop da shikol.
Ka jingïakhun lashai ka sngi 6 tarik kan long hapdeng ka Demthriang SC pyrshah ïa ka Luti Shangpung Moosyiem SC haka por 2 baje shiteng nohphai sngi.
