15 tarik ka jingïalang bah ka UDP ha madan Mawlangdep

0

Nongstoiñ, Rymphang, 10: Kum ka jingpynshai paitbah ïa ki mat treikam ha shuwa ba ka sngi thep vote kan poi, ka United Democratic Party Nongstoiñ circle kan pynlong ïa ka jingïalang ha madan Mawlangdep la 15 tarik mynta u bnai kata ha ka sngi balang ban wan.
Ki nongïalam ba hakhmat jong ka party haba pyntip ha u nongthoh khubor mynta ka sngi, ki la ong ba ha katei ka jingïalang la khot sngewbha ïabroh ki nongkitkam jong ki primary unit jong ka Mawlangdep zone, ki nongkyrshan na baroh ki polling station kiba hap ha ka zone bad ka pdiang sngewbha ruh lada don ki nongkyrshan na kiwei pat ki party lada ki wan ban rung sha ka UDP.
Nalor kata ki nongïalam ka party ki kyrpad ïa ki nongkitkam bad ki dkhot na ki primary unit, ki sub unit ba kin ïatrei shitom na ka bynta ban pynsngewthuh ïa ki paitbah nongshong shnong, ba ha kane ka kynti kaba mynta ki paitbah Khasi bad Jaiñtia, ki la kwah shisha ba ki party riew lum kin synshar hi noh ïa ka jylla, ym ban shu iawai sah ha kiwei pat ki party, khnang ba kan shong suk shong saiñ bad ka roi ka par kan kiew sted ha Khasi bad Jaiñtia.

Leave A Reply

Your email address will not be published.