Shillong, Rymphang, 10: Kum shibynta ban wanrah ïa ka jingïatylli ha ka Ri kaba dei ka skhim hapoh jong ki shipai, la wan ïalam 35 ngut ki khynnah kiba don ïa ka jingduna dkhotmet ban leit jngoh ïa ka Raj Bahvan, Shillong.
Kine ki khynah ki dei kiba la ri bad sumar ha Ferrando Rehab Centre, Agartala ki la wan lang bad ki nongsumar jong kane ka jaka.
U Commissioner & Secretary sha u Lat jong ka jylla u B.D.R Tiwari, u la pdiang sngewbha ïa ki ha ka kyrteng jong u Lat ka jylla u Brig. (Dr.) B. D. Mishra (Retd.) u bym don ha nongbah Shillong ha kane ka sngi kum ka jingpdiang sngewbha ïa ki la ai ruh ïa ki jingai sngewbha sha ki samla pule bad sha ki nonghikai ba synran lang ïa ki.
Ïa kine ki khynnah pule la ïalam ïa ki ban kin leit jngoh kylleng kylleng kum ha Silchar, Guwahati bad Shillong.
Ha kane ka jingwan ki khynnan kin ïoh ban leit jngoh ïa ki jaka ba don jingmut kum ki Museum, ki jaka pynsah kynmaw ïa ki shipai bad jaka ba don ïa ka Science Cities bad ki jaka jngohkai pyrthei.
Ïa kane ka jingïalam kai ïa ki la pynïaid da ka 18 Assam Rifles hapoh ka IGAR (E).
