Jowai, KyllaLyngkot 12: Khnang ban pynsuk ïa ka khaïi pateng ki nongrep ha ki thaiñ nongkyndong, mynta ka sngi 12 tarik ka National Bank for Agricultural and Rural Development (NABARD) rynkat ka jingïatreilang bad ka Jaiñtia Hills Development Society (JHDS) kila buh thong ban tei ïa ka ïew ha ka Shnong Namdong B kaba hap hapoh ka West Jaiñtia Hills District ïa kaba yn tip kum ka Rural Haat.
Khlem da pynslem shuh ban pyndep ïa kane ka thong la buh ïa u Maw Nongrim ban tei noh ïa kane ka ïing mynta ka sngi da u Block Development Officer ka Namdong C&RD Block u Ma Heimonmi Niang, uba long u kongsan ha kane ka jingïalang ryngkat ka jingïadonlang u Bah Grevile Kharlukhi, Asst. General Manager ka NABARD, kum u Symbud kongsan.
Kiwei de kiba la ïadonlang ha kane ka jingïalang ki kynthup ïa u Director ka JHDS u Fr. Manbha Pakem, u Coordinator ka JHDS u Bah Denis Kurkalang, U Rangbah Shnong ka Namdon- B u ma Damian S. War bad kiwei de ki riew Rangbah
Ïa kane ka ïing yn sa tei ha ka jaka kaba heh kumba 3000 sq meter ïa kaba la ai sngewbha da ka Dorbar shnong bad ka jinglut ha ka ban tei ïa kane ka ïing kan long 16,66,000/- tyngka.
