Khliehriat, K’Lyngkot 12 : U Rangbah shnong jong ka shnong Huroi, u bah Golden Marbaniang lyngba u kyrwoh u pynshai paidbah halor ka khubor ka ba la pynmih na ka Dorbar kur suchen, kaba ong ba kan don ka Dorbar kur jong ki kur Suchen ha ka 20/01/2024 ha shnong Umpyrshin, kumta utei u Waheh Shnong Huroi u ong ba ba ha ka ba iadei bad ka Dorbar kur suchen kan iaid beit shakhmat ha katei ka sngi, hynrei ha kaba iadei bad ka jingpanpaw kyrteng jong ki ïa ka jaka ha ka shnong Umpyrshin ka dei kaba bakla, namar kane ka Umpyrshin ka dei tang ka kyntoit ne dong kaba dang hap hapoh ka shnong Huroi.
Kumta na ka liang u Waheh Shnong Huroi, u la ong ba ka saw kur suchen ka dei ban pynbeit bha ïa kane ka jingbakla jong ki ha kaba ïadei bad ka jingpynmih khubor jong ki ha kaba iadei bad ka jingialang ka seng Kur Suchen.
