Nongstoiñ, K’lyngkot 12 : U bah Teiborlin Sangrïang 26 snem karta u khun jong ka kong. Shistita, Sangrïang, na ka Shnong Nongsba, kaba hap hapoh ka West Khasi Hills, District, u ba u la jah na la iing naduh ka 2 tarik mynta u bnai Kyllalyngkot.
U bah Bikram Marak IPS Supritendent of Police West Khasi hills u la pyntip ba la ïoh jingtip kaba ba don kiba ïohi khatduh ïa u ha ka 2 tarik U Kyllalyngkot ha DSW Upper Primary School,bad naduh katei ka sngi um shym la wan phai ïng shuh .La ong ruh ba na ka lïang kiba ha ïng ha sem ki dang pynlong ka jing leit wad haduh mynta hynrei ym pat lapdien satïa.
La ong ruh ba u bah Teiborlin Sangrïang, u don ïa ka sniehdoh kaba dum, ka dur kaba pyllun, u sniuh uba iong, ka jingjrong kumba 4 phut 8 inshi, bad ha ka por ba u jah na la iing u phong da ka T Shirt kaba lieh bad ka jaket kaba saw, ka patlun jean bad ka slipar kaba don ïa ki strap rong saw khleh rong iong.
Kumta na ka lïang u Superintendent of Police, West Khasi Hills u la ai ka jingpyntip ba lada don kino kino kiba iohi ne kiba ioh jingtip shaphang jong u, kin sngewbha ban pyntip sha ki Police Station kiba khamjan bad kino kino kiba lap ïa u.Na ka lïang u S.P u la ong ba u la dep pyntip sha baroh ki Police Stations jong ka Meghalaya bad ki Jylla kiba marjan na ka bynta ban wad ïa u.
