Nongstoiñ, Ïaiong, 19: Ka ophis jong ka tnad bording ha Nongstoiñ, ka la pynbna paidbah ba kan don ka jingduh bording kaba ar sngi kynthih ha West Khasi Hills bad Eastern West Khasi Hills District ka ban sdang naduh ka 9 baje mynstep jong ka 21 tarik haduh ka 9 baje mynstep jong ka 23 tarik u Ïaïong 2023.
U Executive Engineer ka tnad MePCL u Rajib Datta haba ïakren sha ki lad pathai khubor mynta ka sngi, u la ïathuh ba katei ka jingpynduh bor ding ba ar sngi kynthih, ka dei namar kan don ka jingpynkhuid ïa 20 MVA Power Transformer ha 132 KV Grid Sub Station Nongyndeng.
U la ong ruh ba baroh ki shnong ha kitei ki ar tylli ki District, kin shah ktah ha katei ka jingpynduh bor ding. U la kyntu ïa ki paidbah ba kin ïaishah ha kitei ki sngi, khnang ba yn lah ban pynbit pynbiang ïa ki jingdonkam ha kaba ïadei bad ka bording.
