Mairang, Naiwieng 01: Ka ophis u DC Eastern West Khasi Hills District ryngkat bad ka jingïatreilang ka FOCUS Mairang kum shi bynta ban rakhe ïa ka jingdap shi snem ka District kan pynlong ïa ka jingïakop thei bad rangbhabriew ne ka Miss bad Mr Mairang na ka bynta kiba 18 snem shaneng bad Kids Show na ka bynta ki khunlung ba 3 snem shapoh ha ka 10 tarik mynta u bnai ha Madan Mot Tirot. Ka audition na ka bynta kane kan long ha ka 4 tarik mynta u bnai ha Indoor Stadium Mairang Mission.
Ka prais na ka bynta ki nongjop kan long 35,000 tyngka ïa kiba wan nyngkong, 25,000 tyngka ïa kiba wan ba ar bad 15,000 tyngka ïa kiba wan balai. Na ka bynta ka Kids Show pat ka Prais kan long 10,000 tyngka ïa kiba wan nyngkong, 8000 tyngka ba ar, 6000 balai, 4000 ba saw, 3000 ba san, 2000 ba hynriew, ba hynñiew, ba phra, ba khyndai bad ba shiphew.
Ki nongïashim bynta kin long tang na Eastern West Khasi Hills District.
