Shillong, Naiwieng: Ka Khasi Jaiñtia Presbyterian Synod Sepngi (KJP-SS) Urban Mission kan pynlong ïa ka ‘Food Fest cum Sales of Work’ ha ka 5 tarik mynta u bnai ka ban sdang naduh ka por 9:30 mynstep haduh 5:00 baje janmiet ha Mawkhar Christian School, Mawkhar Shillong kum shibynta ban pynmih fund na ka bynta ka New Life De Addiction Centre jong ka KJP Synod Sepngi Urban Mission.
ïa kane ka ‘Food Fest’ yn pynlong da ka jingïatreilang bad ki Client (FSW) bad ki longïing longsem jong kito kiba la kyrni ha ki jingdih basniew kum u drok bad kyiad kiba ju wan ban ïasyllok ha ka Counselling Centre jong ka Urban Mission, lem bad ka Shillong Ri Lum Presbytery bad ka Mawlai Presbytery.
Kane ka long katkum u kyrwoh lyngba u Rev. NM Iangrai, Director Urban Mission KJP Synod Sepngi.
