Jowai, Nohprah 05 : Ka Jaiñtia Student Union (JSU) Central Body ka khot bad wer ïa baroh ki samla pule ka Ri-Lum Jaiñtia kiba wan shakhmat ha ki eksamin bapher bapher ba la pynlong ha u snem 2021-2022 na ka bynta ban pynkup burom ïa ki da ka khusnam Academic Award ia kiba pass bha ha ka sngi dap 50 snem ka seng kata ha ka 17 tarik December, 2022.
La kyrpad ïa ki khynnah pule ban pynpoi ïa ki kyrteng ki jong ki ryngkat bad ka marksheet ha kaba un pynkup burom ïa kiba wan shakhmat katkum ka percentage kiba long kumne SSLC – 80% shaneng, HSSLC – 70% shaneng, Post Graduate -60% shaneng bad kiba pass Ph.D.
Ha ka juh ka por la kyrpad ïa ki khlur nongïalehkai ka Ri-Lum Jaiñtia kiba mihkhmat bad wanrah takma na ka bynta ka Jylla Meghalaya bad ka Ri India ha u snem 2021 2022 ba kin pynpoi ïa ki kot ki sla lane ki certificate ka jingjop ka jong ki. Ïa kane ka jingpyntip la phah da u Education Secretary ka JSU samla Eddy Kery Pohtam, u Assistant Education Secretary Dewan Bareh, u Ajoy Lyngdoh Sports Secretary bad u Generous Suchiang Assistant Sports Secretary. Lah ruh ban phone ha kine ki no: 9503115933, 8974982359, 8837035740, 8732082974.
