Yn pynkhih biang ka PDF ïa ka VAB

0

Shillong, K’lyngkot, 05: Ka People’s Democratic Front (PDF) lyngba u Bah Auspicious Lyngdoh Mawphlang, Secretary ka la ong ba kum ka Party kan ïakren biang halor ka Village Administration Bill (VAB) kaba thmu ban pynkhlaiñ ïa ka riti synshar shnong kata ban khanglad ïa ka jingwan rung kyrthlep ki mynder sha ka Jylla.
Haba kren ha ki lad pathai khubor halor ki mat ïakren elekshon kiba la dep kata ha u snem 2018 bad kiba mynta ha u snem 2023, halor ka nongrim jong ka Party halor ka mat jingwan rung kyrthlep ki briew na shabar Jylla, u Bah Auspicious u la ong ba ka Inner Line Permit (ILP) kaba la mynjur da ka Ïing Dorbar Thawaiñ ka Jylla ka dei kawei ka donkam bha hynrei ka dang don ha ka jingpeit bniah ka Sorkar India ban mynjur pyntrei kam ïa ka.
“Ha kane ka samoi ban wan ngin iakren halor ka Reservation Policy, Mining Policy, ka Employment Generaton policy bad kiwei pat”, u la ong da kaba kdew ba ka Party kam shym la shong sngap jar halor ki mat kiba ktah ïa u paidbah ha ka samoi ka ban sa kut noh mynta u snem 2023.
“Kum ka Party ka la shim ïa ki sienjam ban ïakren ïa ki mat kiba bun kiba long ka jingmyntoi ïa ki paidbah da ka jingïadonlang ha ka Sorkar Meghalaya Democratic Alliance (MDA) ba lam khmat da ka National People’s Party (NPP) kum ka jingeh halor ka PMAY, PDS, ka EIA, ka jingkiew ka bai thang bor ding elektrik bad kiwei pat wat ki kam kiba ïa dei bad ka skul bah NEHU”, u la ong.

Leave A Reply

Your email address will not be published.