Hadien 2 snem la plie biang ïa ka ha ïew Lyngkhat

Pynursla, K’lyngkot 05: Hadien 2 snem ba ka ïew khappud kaba don ha Raid Lyngkhat jong ka Hima Khyrim ka la khang kyrdep naduh ba wan lynshop ka jingpang Covid 19 ha ka sngi Palei u Sordar ka Raid Lyngkhat ryngkat ka jingdon lang ki Rangbah shnong jong ki Shnong ba pher ba pher kiba don ha poh ka Raid Lyngkhat bad ka jingdon lang ki nongkitkam ka Ri War Development Organization (RWDO).
Kane ka ïew kaba ki paidbah na ka thaiñ riwar mihngi ki ju ïa khïi pateng bad wan ban die ïa ki mar rep jong ki ki la duh wan die wan thied naduh ba wan lynshop ka jingpang Covid 19 hynrei da kane ka jingplie biang yn lah ïa die ïa thied biang ha kane ka ïew.
Ha ka kyrwoh na u President ka RWDO u Bah Kyrshanlang Khongsni bad u Bah Donlang Nongbri u General Secretary, ki pyntip ba ki paidbah ka thaiñ bad ka ri hi kin lah ban wan die bad wan thied biang ha ka ïew ba la ju pynlong shien ha ka sawïa ha Lyngkhat.