Shillong,Risaw 27: Ki 157 ngut ki Nonghikai kiba la shah weng kam ha kine ki khyndiat snem baladep, kin mih madan ban pynlong ka jingïakhih ha 31 tarik mynta u bnai hakhmat ophis MBoSE.
Kine ki 157 ngut ki Nonghikai kidei kiba la shah weng kam khlem da tip bha ïa ka daw, hynrei la shu ong ba kidei kita ki Nonghikai tah sia lieh. Kine ki nonghikai ki la ong ba kumba ki la pynpaw ha ka 15 tarik u Nailur 2022 ba kin mih madan ban ïakhih ban dawa ïa ka hok jong ki, kin min ha katei ka sngi ban shong kyllaiñ mynngor hakhmat ophis MBoSE, Shillong naduh ka por 10 baje mynstep haduh ka por 3 baje janmiet.
