Yn khot ïakren markhmat u Myntri ïa ki Nongialam Niam halor ka aiñ ïakhalai

0

Shillong, Risaw 10 : Ka jingmih madan jong ki nongïalam Balang hapoh ka lama jong ka Khasi Jaintia Church Leaders Forum (KJCLF) ban pyrshah ïa ka ain khalai bad ruh ïa ka ishu Casino ha ka jylla, na ka liang u Myntri ka tnad Taxation, James K Sangma ha ka sngi Nyngkong u la pyntip ba un sa lum da ka jingïalang bad kitei ki nongïalam niam ban ïa kren sani halor katei ka mat.
“Kadei kaba donkam na ka bynta ka sorkar jylla ban sngap ïa kano kano ka jingsngewkhia kaba wan na ki kynhun kiba mihkhmat na ki Balang bapher bapher,” ong u Myntri haba kren bad ki lad pathai khubor ha Meghalaya Secretariat.
Shuh shuh u la pyntip ruh ba lyngba katei ka jingkynduh lang bad ki nongïalam ba kin lah pat ban rai kumno ban leh.
Kumban shu kdew hangne, ka Khasi Jaintia Church Leaders Forum (KJCLF) ka la pynlong da ka jingïa duwai lang ban duwai kyrpang na bynta ka sorkar hadien ba kam shym la treh ban weng ne pynduh pyndam noh ïa ka aiñ ïakhalai ne ka Meghalaya Regulation of Gaming Act 2021 bad kumjuh ruh halor ka ishu casino.
Na ka liang ka Forum ka ieng beit ha ka nongrim ba kin don bun ki jingjïa bym itynnad kiban mih na ka jingdon jong kitei ki ktem khalai bad dei halor kane ka kyntu ïa baroh ki nongïalam jong ki balang, ki kynhun bapher bapher ban ieng tylli lang na ka bynta ban dawa khang beit ïa ki ktem khalai casino kiba thmu ban pynieng ha ka jylla.

Leave A Reply

Your email address will not be published.