Williamnagar, K’lyngkot 29: U Robinus T Sangma u Convenor jong ka Meghalaya Janata Dal United (JDU)uba long ruh u kyrtong na 43-Williamnagar constituency u la ïathuh ba u National General secretary jong ka JD(U) u Afaque Ahmad Khan un sa wan jngoh sha Williamnagar ha ka 31 tarik Kyllalyngkot na bynta ban pynbna ïa ki kyrtong kiba ka party kan pynïakhun ha kane ka elekshon kaban sa long ha u Rymphang.
“Ka party kan pynbna paidbah ïa ka kyrteng ki kyrtong kiban ïakhun ha kane ka elkshon ha kane ka jingwan ïuh kjat u National General Secretary bad hadien jong u kin don ruh ki MP kiban wan ïalap elekshon ïa ki kyrtong ka party,” ong u Sangma.
“U Robinus T. Sangma, kum u nonghikai skul ki paidbah ki ieid bad ithuh bha ïa u bad um don jingartatien ba un jop ha kane ka elekshon ba mynta bad bun bah ki nongïalam na kiwei ki party kiba wan snoh kti bad ngi hynrei ngim heh tyngam ha ki social media hynrei ngi trei ka kam ha madan,” u la ong.
U la ong ba ki jingsahdien ka jylla ha kine ki 50 snem bad ki kam pynroi kiba dei ban ïoh kin ka party kan ïakhun.
