Shillong, Lber 20: Ka Interim Report ba la aiti da ka Single Member Committee hapoh ka ïingbishar Meghalaya High Court ka la pyntip ba kam shym la don satia kano kano ka jingïap ne jingmynsaw jong ki nongtih par dewïong ha shnong Murïap, kaba hab ha East Jaiñtia Hills.
Katkum ka jingmih kot khubor la kynnoh ba lai ngut ki nongtih mar kila ïap bad 12 ngut kila mynsaw ha ka jingtwa ka par dewïong ha Murïap, East Jaiñtia Hills District.
Halor kane, ka Single Member Committee ka la kyrpad ïa u Deputy Commissioner ban pynlong ïa ka jingtohkit bad ban aiti ïa ka kaiphod.
Halor kane, u Deputy Commissioner ula bthah ïa u Superintendent of Police ka East Jaiñtia Hills District ban pynlong ïa ka jingtohkit.
“Ka kaiphod ba 16/02/2024 ba la aiti da u Superintendent of Police sha u Deputy Commissioner ka pyntip ba ym shym la lap ïa kano kano ka jingjia ha ka por ba pynlong ïa ka jingtohkit ba la khlieh da u O/C ka Saipung Police Station,” ong ka Committee ha ka interim report ba 21.
