Nongpoh, Naiwieng 29: U Ramen Das General Secretary ka Northeast Petroleum Mazdoor Union u la pynshai ha kaba ïadei bad ka shithi ba phah sha u Myntri sorkar jylla jong ka tnad Food and Civil Supplies ba kum ka Union kam don kano kano ka jingmut ban pynkulmar ïaki paidbah hynrei ka dei tang ka shithi ba phah sha u myntri bad kumno ka lait naka liang ka Union kam don jingtip eiei.
U la ong ruh ba kum ka Union ka ai ka jingkhublei ïaka tnad Food and Civil Supplies kaba la shimkhia ban ïakren bad ka Union ha kaba ïadei bad ka jingeh ba kynduh da ki nongñiah kali kit Umphñiang bad kum uwei naki nongïalam ka Union u la bthah ruh ïaki dealer umphñiang kin pynbiang bun shah ban ïa kaba ju don.
U la ong ruh kumba long mynta ka sngi ki kali kim shym la sangeh ban wan hynrei ki dang don ha lynti naduh ka por mynstep ban wan sha ka jylla bad kum ka Union hi kala pynbna ba kam don shuh ka jingïakhih lane ban sangeh pynpoi petrol sha ka jylla bad ban pynthikna ba ki kali kit umphñiang kin wan sha ka jylla kumba ju wan khamtam ban ai ka jingïatreilang bad ka sorkar.
