Ym dei ki paidbah kiba khang ban plie ïa ka skhim um hynrei ki trai jaka : Samlin

0

Shillong, K’lyngkot 05: U MLA barim ka Sohiong u Bah Samlin Malngiang u la ïathuh ba ka jingshah khang jong u ban plie ïa ka skhim um kaba ka sorkar ka la mang, kaba u la thmu ban plie paidbah ha kawei na ki shnong ha Shiliang um jong ka thaiñ Diengïei kam dei ki paidbah kiba khang hynrei dei ki trai jaka kiba la ai jaka ei ban pynïeng ïa ki thiar um bad kumuh kiwei ki jyntei na bynta kane ka skhim sam um.
Haba kren bad ki lad pathai khubor u la ïathuh ba kane ka jingpyrshah ki trai jaka ban khap ribon ïa kane ka skhim ka dei namar kat kum ki soskular kiba la ïateh ha ka jingaiei jong ki ïa ka jaka sha ka sorkar na bynta ban pyndonkam na bynta kane ka skhim ka long, ba ka sorkar ka dei ban thung kam ïa saw gut na kine ki long ïing ha ki tnat jong ka hynrei namar ka sorkar kam pat lah ban pynurlong ïa kane ka jingthungkam ïa ki saw ngut ka pynlong ïa ki trai jaka ban pyrshah ïa ka jingplie kaba u hap leit phai khlem da ïoh satia ban ot ribon kumba la thmu.
“Ka jingpyrshah ka dei ba ka sorkar ka thung kam dang tang iwei na ki saw ngut kumba la kular ïa ki trai jaka kiba la aiei ka jaka palat ïa ka shi akar sha ka sorkar ba kim ai lad satia ba ngan plie paidbah hynrei kam dei u paidbah uba pyrshah,” u la ong.
Shuh shuh u la ong ruh ba na ka liang jong u u la ai khublei ïa ka tnat PHE kaba la leh shitom ban pynurlong ïa kane ka projek namar hadien ba la mih ka jingbym shah plie hynrei la lah ban poi sha ka jingïabeit bad ka um ruh la dep ban sorjamin bad ka long kaba biang ban sam noh sha ki paidbah u la bynrap.

Leave A Reply

Your email address will not be published.