Shillong, Jymmang 06 : Ka United Christian Forum of NEI (UCFNEI) ka la kyrpad ïa baroh ki jaidbyriew ba ïasnohkti lang ha jingiaduwai lang na ka bynta ka jingsuk bad ban pynsnageh noh ïa baroh ki jingïaumsnam bad jingpyniap ha Manipur ha ka por pynlong jingduwai hala ki jong ki ïingmane bad ki Fellowship.
Ha ka jingïalang ba kyrkieh ba la pynlong ha ka sngi Thohdieng ha Guwahati, ki dkhot ka UCFNEI ki sngew ba ka jingduwai ka dei kaba atiar kaba khlaiñ bor bha ban wanrah lang hajuh ïaki briew bad ban kyrpad ïa ka jingtuklar bad jingbtin lynti da u Mynsiem Bakhuid.
Ki Ngeit ba kane ka sienjam ka lah ban synniang sha ka shongsuk shongsaiñ bad jingjai jai ha ka thaiñ bad ban ai mynsiem ïa ka jingkylla kaba bha haba burom ïa ka longbriew man briew.
Namar kata, ka UCFNEI kala khot ïa baroh ki Balang bad ki seng niam ban ïanohkti lang ha ka 7 tarik Jymmang ban ïaduwai lang na ka bynta ka jingsuk bad ban pynkut noh ïa ka jingïaumsnam ha Manipur haba pynlong ïa ki jingduwai ha la ki jongki ïingmane.
