Nongstoiñ, Jylliew 29: Ka Deputy Commissioner Eastern West Khasi Hills District, ka la pyntip paidbah ba ka Bhagwan Mahaveer Foundation, ka kynhun ïarap bad leh isynei ïa kiba ju donkam jingïarap, ïa kaba la seng ha u snem 1994 ha Chennai, ka khot aplikeshon ïa ki riew shimet ne ki kynhun ban thep kyrteng na ka bynta ka ‘30th Mahaveer Awards’.
Kane ka khusnam ka dei ban ithuh, ban ai mynsiem bad ban pynkup burom ïa kito kiba trei mon sngewbha ha ka ban ïarap ïa ka imlang sahlang kum kawei na kine ki jait kam ka Non-violence and Vegetarianism, education, healthcare and medicine, community and social service. Kane ka khusnam ka kynthup haduh shiphew lak ryngkat ka citation bad ka memento.
Namarkata kino kino ki riew shimet lane ki institution kiba kwah ban aplai na ka bynta kane ka award ki lah ban download ïa ka form thep kyrteng lyngba ka website www.bmfawards.org.
Hadien ba la dep ban pyndap ïa ka kyrteng bad kiwei ki jingdonkam, ki lah ban phah lyngba ka email ha ka nomi-nations.bmfawards@gmail.com. Ka tarik ba khatduh ban pdiang ïa ki nongaplai ka long ha ka 31 tarik u Naitung 2026.
