Wat ym shah ïa ki khynnah ban pyndonkam palat ïa ki mobile phone, ong ka Dr. Jenniefer

0

Shillong, Jylliew 24: Ka Indian Council of Social welfare, Meghalaya Chapter ha ka jingïatreilang bad ka Martin Luther Christian University ka la pynlong ïa ka workshop hapoh ka jaka ba don ka Creche ha Lachumiere, Shillong.
Ha kane ka workshop ki la don haduh 34 ngut ki Anganwadi Worker bad ki nongtrei jong ka Creche kiba la ïashim bynta. Ïa kane ka Workshop la pynïaid da ka President jong ka ICSW ka Prof. Streamlet Dkhar. Ha kane ka workshop la wan ban long kongsan da Dr. Jenniefer V. Basaïawmoit, Director ka Bansara Eye Centre, Laitumkhrah.
Kiwei kiba la ïadonlang ki long Prof. T. K. Kharbamon, Vice Chancellor ka MLCU, Vice President of ICSW, Mrs. Kaira R. Nongbet bad baroh ki dkhot jong ka ICSW.
Ïa kane ka workshop la pynïaid da Dr. Marbabiang Syiemlieh bad Dr. Ibasaralyne Thabah, kiba dei ki Associate Professor na ka tnat Social Work, MLCU. Ha kane ka workshop la pynpaw ha kaba kumno yn lah ban hikai bad ban kyntiew ïa ki khynnah.
Na ka liang ka Kongsan ka la kren halor ka jingdonkam ban ai ka jingsumar kaba biang ïa ki khynnah bad ban ym ai lad ïa ki khynnah ban pyndonkam than ïa ki mobile phone ha ka rta kaba dang lui lui bad ba dang jem.
Ha kane ka sngi la sam ruh ïa ki syrnot sha baroh kiba ïashim bynta da ka Kongsan bad la ïoh ka jingai khublei da ka Secretary, Mrs. D. Lyngwa.

Leave A Reply

Your email address will not be published.