Wat lapmiet ka shoh briew, ka Secretariat kam plie ha Khyndailad ne Malki : DyCM

0

Shillong, Risaw 31 : U Symbud Myntri Rangbah ka Jylla, Bah Prestone Tynsong ha ka sngi Nyngkong u la ong ba ki kynhun sengbhalang lada ki don kano kano ka jingai jingmut haba ïadei bad ka jingkyrduh kam ki dei ban wan sha ka miej jingïakren namar ka jingkhang jong ka Secretariat ka plie beit ha kano kano ka por.
“Ka jingkhang jong ka Secretariat ka plie, ym dei ba ka plie ha Madan Malki lane na madan Police Bazar, ngi plie ïa ka jingkhang Secretariat sngewbha wan ym dei ban lap miet ka ïa shoh briew,” ogn u Symbud Myntri Rangbah haba kren ha ka jingïalang jong ka NPP kaba long ha kane ka janmiet sngi Nyngkong.
Katei ka jingkren jong u Bah Prestone kadei halor ka jingmih ki samla ban ïaid paidbah ha ka taiew ba la dep halor ka jingkyrduh kam kyrduh jam ki samla ka jylla ba la khot da ka FKJGP.
“Mynno ba phin ong ba u Conrad bad Prestone kim ju kynduh ïa phi. Haba phi kwah ban kynduh, ngi kloi ban kynduh ïaphi. Ai jingmut ngin ïa kren bad ïa kaei kaba dei namar ngi kiba don hangne ym dei ban ong ba ngi kwah ban ong ba kaba ong mangi ka dei lut hynrei ngi kwah ban ong ba ka ong maphi ruh ka long kaba dei, kata kein ka sorkar namar ka sorkar ka sorkar kadei ban shakri ïa u paidbah da u paidbah,” bynrap biang u Bah Prestone.

Leave A Reply

Your email address will not be published.