Wan poi u nongpeit pyrman ka ECI ha South West Khasi Hills, lum jingïalang u Deputy Commisioner

Mawkyrwat, Rymphang 01: U Prabhat Dandotiya, Expenditure Observer (EO) ba la phah da ka Election Commission jong ka Ri India na ka bynta ka South West Khasi Hills District, Mawkyrwat mynta ka sngi u la pynlong ka jingïa-kynduh bad ki Election Teams ka South West Khasi Hills District hapoh ka Multipurpose Hall, Deputy Commis-sioner’s Office, South West Khasi Hills District ha ka jingïadon ryngkat u bah T. Lyngwa, IAS, District Election Officer ka South West Khasi Hills District, Mawkyrwat.
U Prabhat Dandotiya haba ai jingkren ha ka jingïalang u la ong ba ka jingthmu jong ka jingïakynduh lang bad kine ki kynhun ka long na ka bynta ban pynthikna ba kan don ka elekshon kaba khuid ba suba bad kaba ïaid beit ïaid ryntih hapdeng ki seng saiñ pyrthei da kaba bud beit bud ryntih ïa ki jingbthah bad jingpyrkhing ba la pynmih da ka Election Commission jong ka ri India ha kaba pyntyllun ïa ki kam kiba ïadei bad ka jingjied ïa ki nongmih-khmat.
Ha kajuh ka por ula batai bniah bad ai jingshai ruh halor ki katto katne ki kamram kiba kawei pa kawei ka kynhun ki hap ban leh da kaba ban jur halor ka jingdonkam jong ka jingïatreilang hapdeng baroh ki kynhun. Namar kata, u la ai jingmut ban long kiba peit pyrman bad ban ïa sam lem ïa kino kino ki jingtip kiba ïa dei bad kane ka elekshon ha kaba jied ïa ki nongmih-khmat.
U District Election Officer jong South West Khasi Hills District u la pyntip paidbah ba u Prabhat Dandotiya, Expen-diture Observer ba la thung da ka Election Commission of India ban peit ïa ka South West Khasi Hills District na ka bynta ka General Election sha ka Meghalaya Legislative Assembly u la wan poi ha South West Khasi Hills District, Mawkyrwat bad un don ha Circuit House naduh ka por 12 baje haduh 1 baje nohphai sngi.
Lada ki don kino kino ki jingujor, ki jingkylli jingshai ne ki jingpyntip kiba ïa dei bad ki jingpynkheiñ ïa ka Model Code of Conduct (MCC) ki lah ban wan sha u Observer.
Shuh shuh la ai jingtip ruh ba kiba donkam ki lah ban pyntip ruh lyngba kine ki number jong u Prabhat Dandotiya, Expenditure Observer IRS 2009 kata ha u +91-9051971555/+91-7005545320.
U District Election Officer jong South West Khasi Hills District u la ai ka jingpyntip paidbah ba u Prabhat Dandotiya, I.R.S, Expenditure Observer ba la thung da ka Election Commission of India ban peit ïa ka South West Khasi Hills District na ka bynta ka General Election sha ka Meghalaya Legislative Assembly u la wan poi ha South West Khasi Hills District, Mawkyrwat bad un don ha Circuit House naduh ka por 12 baje haduh 1 baje nohphai sngi.
Namarkata, lada ki don kino kino ki jingujor, ki jingkylli jingshai ne ki jingpyntip kiba ïa dei bad ki jingpynkheiñ ïa ka Model Code of Conduct (MCC) ki lah ban wan sha u Observer. La ai jingtip ruh ba kiba donkam ki lah ban pyntip ruh lyngba kine ki number jong u Prabhat Dandotiya, Expenditure Observer IRS 2009 kata ha u +91-9051971555/+91-7005545320.