Mawkyrwat, Rymphang, 1: U District Magistrate ka South West Khasi Hills District, u la pynjari da ka kyndon 133 CrPC kaba khang pyrshah ïa ka jingpynsawa jingtem lyngba ki tiar pynsawa palat ïa ka 10 baje mynmiet.
U la pyntip ba la ïoh jingtip ba don ki briew ne ki ïing briew kiba pynsawa ia ki jingtem palat ïa ka 10 baje mynmiet ha ki ïing khawai ïathoh bad kiwei kiwei kaba ktah bad pynwit ïa ki marjan marpa, ïa kiba la tymmen, ïa kiba pang ba shitom bad ïa ki khynnah skul kiba hap ban ïaleh ïa ki eksamin bapher bapher. Ha kajuh ka por la ïoh jingtip ruh ba ki don ki nongñiah kali kiba pynsawa heh ïa ki jingtem kali kaba la ktah bad pynthud ïa u paidbah bad ïa kiba kum kitei ki jingleh la pynbna ba ki dei ki kam pynthud ïa u paidbah. Lada don kino kino kiba don ka jingsngew pyrshah ïa kane ka hukum ki lah ban pynpaw ha khmat u District Magistrate hapoh 30 sngi naduh ka sngi ba la pynmih ïa kane ka hukum bad lada ym don ei ei kaba pyrshah ïa kane ka hukum yn pynneh kumba ka long bad kan treikam naduh ka 1 tarik u Rymphang, 2023.
