U Samla Raymond Kharjana kum u President bad Reuben Najiar kum u GS bathymmai ka KSU

Shillong, Ïaïong 16: Ka Election Committee ba la jied da ka Central Executive Council (CEC) jong ka Khasi Students’ Union (KSU), ban pynïaid ïa ka ilekshon kaba khadhynriew (16) sha ka ophis treikam jong ka KSU CEC na ka bynta ka samoi treikam 2026-2029, bad ïa kane ka ilekshon la rai ban pynlong ha ka 09 tarik u Jymmang 2026 ha Dinam Hall, Jaïaw, Shillong naduh ka por 7 baje mynstep haduh 3 baje nohphai sngi.
Ka Election Committee ha ka 15 tarik u Ïaïong 2026 ka la dep ban bishar lut ïa baroh ki kot ki sla jong ki 38 ngut ki kyrtong ki ban ïa shim bynta ha ka ilekshon kaba 16 (khadhynriew) jong ka KSU CEC bad kine harum ki long ki kyrteng jong ki kyrtong kiba la lah ban ïa shim bynta ha katei ka ilekshon: –
President, Raymond Kharjana (uncontested) u dei u Graduate ha ka Computer Applications. 2. Vice President Pynkmenlang Sanmiet (uncontested) Research Scholar of Law bad 3. General Secretary Samla Reuben Anderson Najiar (uncontested) kum u Law Graduate. 4. Assistant General Secretary Melajied Khongbuh bad Pynshaiborlang Rani.
Ha kaba ïadei bad ka post Organising Secretary ki long Cleenstar Shabong, Samuel Shabong, Hopefulborn L. Mawnai bad Nangrikupar Malngiang. Na ka bynta ka post Education Secretary ki long Alerick Kharjana, Nangshngainbha Lakiang, Andrew Gary Dkhar, Robinnestar Nongrem bad Samuel L. Nonglait.
Halor ka post Information & Publicity Secretary kiba ïakhun ki long Pynshai Kupar Dkhar, Shelkitbok Kharbani, Jeremaiah Pohthmi, Sandy Sohtun bad Michael Mawa, nangta ka post Office Secretary ki long Wanmi-Shai-I Khongjoh, Gary R. Mawlieh, Dennyson Nongpluh, Mankhrawbok Marbaniang, Edmund Marboh, Wallamkupar Majaw, Pynshngainlang L. Lyngkhoi.
Ka post Sports & Cultural Secretary, ki long Eric Anthony Nongkynrih, Kevin Nelson Wanrap, Gerald Ford Langstieh bad Badonbok Malngiang. Ka post Environment Secretary ki long Kevin Phrangsngi Nongkynrih, Samuel Kharbani, Shiningstar Kharbihkhiew, Welborn Nonglang, Bankerlang Mukhim, Badonkupar Kharmalki, Pynbiangbor Kharsyntiew bad Basuklang N. Khongwar.
Kane kadei ka kyrwoh ba la phah da u Bah Danny Khyriem Chairman Election Committee bad u Bah Samuel B. Jyrwa Secretary Election. Katkum kane ka kyrwoh la sngewthuh ba ki nongïalam ba kynthup ïa u Samla Lambokstarwell Marngar kum u President bad u Samla Donald V Thabah kum u General Secretary kin ym ïakhun shuh ban kit ïa ka kam jong ka KSU CB.