U Lionel Daryl Rymmei u wei na ki rangapkol ba shah jied ha ka kynhun India ban pynkhreh ïa ka SAFF U-20

0

New Delhi, Naitung 14: Katkum ka thup player ba la pyllait da ka All India Football Federation, naduh ka 28 tarik Jylliew, 2024, la sakhi ïa u wei na ki rangapkol napoh Jylla Meghalaya ïa u ba la tip kyrteng da u Lionel Daryl Rymmei, u la shah jied kum u wei napdeng san ngut ki rangapkol ka kynhun lehkai Under-20 jong ka ri.
U Lionel Daryl Rymmei u la don bynta bad ka kynhun jong ki 36 ngut ki player kiba la shah jied ban pynkhreh lyngba ka prokram kilanmet ha Goa kaba la sdang naduh 29 tarik jong u Jylliew.
Hapoh ka jingïalam jong u head coach Ranjan Chaudhuri, kan pynkhreh da ki prokram kilanmet na bynta ka SAFF U20 Championship ka ban sa long ha ka 18 tarik u Nailar haduh 28 tarik Nailar, 2024, ha Kathmandu, Nepal.
Ha kane ka kynti, ka kynhun ïalehkai jong ka ri India ka la shah thup hapoh ka Group B kiba kynthup ïa ki ri kum ka Maldives bad ka Bhutan, katba ka Bangladesh, Nepal, Pakistan bad ka Sri Lanka ki la shah thup hapoh ka Group A.
Ynda ladep ki prokram kilanemt ban pynkhreh ïa ka SAFF ka la kut, ka kynhun kan bteng ban kilanmet ha Goa na bynta ka AFC U20 Asian Cup Qualifiers 2025 ka ban yn sa ïalehkai ha u bnai Nailur, 2024 ha Laos, ha kaba ka kynhun India ka la shah thup ryngkatlang bad ka Iran, Mongolia bad ka Laos ha ka Group G.
Ka thup kyrteng ki player kiba lah ban mihkhmat ïa ka kynhun U20 jong ka India ki long:
Goalkeepers: Divyaj Dhaval Thakkar, Lionel Daryl Rymmei, Priyansh Dubey, Sahil, Tajamul.
Defenders: Dhanajit Ashangbam, L Hemba Meetei, Malemngamba Singh Thokchom, Manabir Basumatary, Ngangbam Surajkumar Singh, Ngasham Bitan Singh, Pramveer, Ricky Meetei Haobam, Sachin Dev, Sonam Tsewang Lhokham, Surendra Singh Konjengbam, Thomas Cherian.
Midfielders: Akash Tirkey, Arjun Singh Oinam, Ebindas Yesudasan, Gurnaj Singh Grewal, Ishaan Shishodia, Manglenthang Kipgen, Manjot Singh Dhami, Rohan Rajesh Mangaonkar, Vanlalpeka Guite.
Forwards: Gwgwmsar Goyary, Haodamlian Vaiphei, Hridaya Vinay Jain, Kelvin Singh Taorem, Korou Singh Thingujam, Linky Meitei Chabungbam, Monirul Molla, Naoba Meitei Pangambam, Rohen Singh Chaphamayum, Thanglalsoun Gangte.

Leave A Reply

Your email address will not be published.