U Bah Shemphang Lyngdoh kum u Kyrtong bad President ka NPP Mawhati

0

Nongpoh, Naiweing 19: U Bah Shemphang Lyngdoh u ba dei ruh u Kyrtong jong ka NPP na Mawhati mynta ka 19 Naiwieng u la shimti syndon kum u President ba thymmai jong ka NPP Mawhati Block hadien ba u Bah Dasakhiatbha Lamare MLA u la rai ban leit ïakhun noh na Nongkrem Constituency bad la pynbna syndon ïa u kum u kyrtong ka NPP na Mawhati bala pynskhem syndon mynta ka sngi haka jingïakynduh lang jong ki nongïalam party ha Mawlasnai.
Ïa u Bah Shemphang Lyngdoh la pynskhem pura kum u President ka NPP Mawhati da u Bah Clement Mawlong President ka Ri Bhoi District ban shimti ïa katei ka kam ban dang pynkhlaiñ ïaka party ha Mawhati khamtam ban pynkhreh shaid shaid ïaka elekshon MLA ban wan ha kane ka jylla.
Na ka liang u Bah Shemphang Lyngdoh kumba u la shimti ïa kane ka bynta ban long u President ka NPP Mawhati bad ruh u kyrtong ban aireng ha kane ka election un shim ïa ka jingkitkhlieh ban pynkhlaiñ ïa ka party bad ha kajuh ka por ruh u pan ka jingkyrshan na ka paidbah ban pynjop don burom ïa u na ka bynta ki jingkylla hapoh kane ka constituency.
Shuh shuh, u la pynpaw ruh ba ka daw kaba u la mih pyrthei ban ïakhun ha kane ka election ka dei halor ka nongrim ba u kwah ban shakri paidbah bad ruh ban wan rah shibun ki jingkylla hapoh katei ka Constituency bad ban lah ban pynurlong u donkam ka jingkyrshan ba radbah ki paidbah ban pynjop don burom ïa u ha kane ka election 2023 hapoh ka jylla na Mawhati Constituency, u la bynrap.

Leave A Reply

Your email address will not be published.